علق أسامة حسني، نجم الأهلي السابق، وزوج ابنة الكابتن محمود الخطيب، على تصريحات حسام غالي بشأن رغبته في الترشح لرئاسة النادي الأهلي خلال الفترة المقبلة.
تصريحات أسامة حسني بشأن حسام غالي
قال أسامة حسني، من خلال تصريحات تلفزيونية مع الإعلامي مهيب عبد الهادي: “مناصب الأهلي حق مشروع للجميع، ومن حق حسام غالي يخش أي منصب عاوزه، بس هو الكلام مش بالساهل”
وأضاف حسني: “كابتن محمود الخطيب عشان يوصل لـ رئاسة الأهلي قعد سنين في مناصب متعددة عشان يوصل مجتش كده وخلاص، وحسام مش موفق في تصريحاته في الوقت الحالي وأحنا في فترة حساسة”
تصريحات حسام غالي بشأن ترشحه لرئاسة النادي الأهلي
وكان قد قال حسام غالي عن ترشحه لرئاسة النادي الأهلي من خلال بودكاست G.Talks: “لو بقيت رئيس الأهلي، أول خطوة إني أختار فريق حواليا بروح وشخصية النادي، ناس عندها إنكار ذات، طموح، وتحب الشغل الجماعي، شخصيات قوية بس من غير سعي لمصالح شخصية. نفسي القيم دي ترجع زي زمان”
وعن ترشحه لرئاسة النادي الأهلي، أجاب قائلاً: “من الممكن الترشح وهقدر أحقق اللي الجمهور نفسه يشوفه من مبادئ، بس الموضوع محتاج قوة وصبر”
وتابع: “لأن الموضوع مش زي ما كنت متخيله من برة، لما دخلت الإدارة شوفت وحاشة وضخامة الموقف وتكالب وناس كتير وصراعات كبيرة، ناس عندها مصالح وغرض، وممكن تكون الجمهور شايفك والناس شايفك في حته معينة يدّوك بالكتف ويطيروك عشان مصالحهم”
ووجه حسام غالي رسالة خاصة قائلاً: “فيه ناس بتضربك في ضهرك كتير أوي وعايزين يبوظوا صورة حسام غالي عند الجمهور، اللي هو ده اللي عاوزينه رئيس النادي وتبدأ تشوه في صورتي عشان بس تقنع الجمهور أني لا أصلح، أنا أقدر أقف قدام الناس دي وأقف جامد أوي بس هطلع حاجات مش حلوة خالص”
في النهاية، يظل موضوع رئاسة النادي الأهلي محل اهتمام كبير من الجمهور والإعلام، حيث يتمنى الجميع رؤية تطورات إيجابية في الفترة القادمة.
المنافسة على الرئاسة قد تكون شديدة، ولكن الأهم هو رؤية رؤية واضحة تعكس تطلعات الجماهير وتعيد القيم التي يعتز بها النادي.