كشف معتز إينو نجم الأهلي السابق، عن كواليس رحيله عن نادي الزمالك مؤكدًا رفض مرتضى منصور رئيس الزمالك الأسبق مقابلته من أجل التجديد مع الأبيض.
وقال معتز إينو في تصريحات مع الإعلامي عمر ربيع ياسين: “بص أنا قبلها بفترة كنت بلعب كويس ومنتخب مصر لكن في نادي الزمالك كان يقولك ابن النادي أو الولد الصغير مش دلوقتي، دائما اللي جاي من بره هو المرغوب وييجوا على اللاعب الصغير”
معتز إينو يكشف كواليس رحيله عن الزمالك
وأضاف معتز: “كنت مكسر الدنيا وبجيب أجوان..قولتلهم يا جماعة عاوز أجدد ومحدش سأل فيا، وقبل ما أروح الأهلي السنة دي كنت بجيب أجوان وأنا اللي بخلص المباريات، يا جماعة عاوز أجدد وأنا اللي بلعب وبروح المنتخب وكنت باخد 50 أو 60 ألف جنيه حاجة كدة وكل الصفقات اللي جاية من بره مش بتلعب وبتاخد أرقام”
إينو: قعدت 12 ساعه في مكتب مرتضى منصور ورفض يقابلني
وتابع: “كنت لسه صغير وخاطب وعاوز أجهز نفسي وأظبط دنيتي لكن محدش بيسأل فيا، في مرة المستشار مرتضى منصور قالي تعالى الساعة 12 رحت أنا وأبويا الساعة 12 الظهر وأتاري أنها 12 بالليل، وفضلت قاعد ومروحتش ومستني في المكتب وبرضو مقابلتوش وحد طلع قالنا تعالوا وقت تاني، فالمواقف دي بتنهي أي حاجة”
مفاوضات الأهلي مع معتز إينو
واختتم معتز إينو تصريحاته قائلاً: “لما النادي الأهلي أتدخل الموضوع اتغير خالص، كنت عاوز أروح أشوف الدنيا هناك وأكيد عقد مالي كبير ومانويل جوزيه اللي طلبني فالموضوع كان نقله تانية هتجيب اللي نفسك فيه، والنادي الأهلي نادي كبير وأي حد يتمنى يلعب فيه وكان مكتسح البطولات وفعلا الدنيا أتغيرت معايا”
المزيد:
الزمالك يؤكد جاهزية محمد صبحي للمشاركة في مواجهة فاركو
تجربة معتز إينو مع الزمالك كانت مليئة بالتحديات، ورغم الصعوبات التي واجهها، إلا أن انتقاله إلى الأهلي كان نقطة تحول في مسيرته الرياضية. يتمنى إينو أن يكون قدوة للاعبين الشباب في كيفية التعامل مع الضغوطات والبحث عن الفرص المناسبة.
من المهم أن يتعلم اللاعبون من تجارب زملائهم، فكل تجربة تحمل دروسًا قيمة، وقد تكون هذه الدروس حافزًا لتحقيق النجاح في المستقبل.